============
by: Andra Shate Taubat
Kanyong tingi mo pang tokal
laung bega basangkual
teman ate no bakeal
Na mo jina tu rancela
tilik diri tu me rua
kena balong de tu cela
peno tempa pang dunia
tau lenge de rancela
nongka to luk riri boa
arap ate tama surga
konang boatmu rancela
me tanang seseng neraka
jaga boa tu we sanak
min rancela inak bapak
pasti nuras si ko anak
balong didik anak dadi
tu pariri ke pamendi
lema mengas ano mudi
min tu didik ke rancela
mudi mole si ko kita
seda kita nan si nya
ka tu didik kewa kemas
mudi balas tu ke kemas
me luk ampo buya mengas
min tu didik rena tomas
me tanang tu tangka mengas
sajan ungkap mara langas
sate maras pang dunia
jaga boa na rancela
peno dengan beri kita
0 comments:
Post a Comment